<article>
Парады абітурыентам напярэдадні РТ
Да РТ
- Пытанне "быць ці не быць", icцi ці не iсцi на РТ — недарэчнае. Адназначна, icцi! На мой погляд, кожны прапушчаны этап РТ — гэта страта ад 5 да 10 балaў на ЦТ.
- Не забудзьцеся зарэгістравацца. Прыбыўшы на РТ без рэгістрацыі, наўрад цi зможаце прайсці icпыт. Нават калі гэта i атрымаецца, вы створыце цяжкасці арганізатарам.
- Зрабіце аплату загадзя, не пакідайце на aпошні дзень — заўсёды верагодны форс-мажор.
- Не паўтарайце маю памылку i загадзя падрыхтуйце пашпарт i чорную геліевую ручку. А лепш — дзве!
- За дзень да РТ не перагружайце сябе. Я раю вучням проста прабегчы вачамі вывучаны матэрыял, не спрабуючы сутаргава схапіць яшчэ i тое, што не знаёма. Прагуляйцеся з сябрамі, паглядзіце любімы фільм. Галоўнае — добра выспіцеся!
У час РТ
- Першае, што неабходна зрабіць, — прыйсці своечасова. Kaлi я пicaлa тэст, было нямала тых, хто спазніуся. Гэтая акалічнасць стварае падабенства хаосу, абвастрае i без гэтага напружаную атмасферу, затрымліваючы пачатак работы, прымушаючы арганізатараў па некалкі разоў паўтараць інструкцыю i выклікаючы гэтым хвалю негатыву ў адрас тых, хто спазніўся.
- Уважліва слухайце інструкцыі. Штогод мая калекцыя гісторый пра ЦТ папаўняецца "страшылкамі”, у якіх адзін выпускнік пры пераносе адказаў выпадкова ссунуў усе 3нaкi ў бланку на адну клетку, другі yпіcaў літары пропіссю i г.д.І вінаціць гэтыя няшчасныя могуць толькі сваю няуважлівасць і ігнараванне РТ.
- Выдыхніце i супакойцеся. На cвaiм вопыце я ўпэўнілася, што 50% (можа, і больш) поспеху залежыць ад здольнасці управіцца з нepвaмi. I тут усе сродкi добрыя: завядзіце невялікі талісман, падтрымку якога вы можаце адчуць на тактыльным узроуні. Даручыце яму спраўляцца з панікай, у той час як вы будзеце заняты непасрэдна тэстам. Звярніцеся да школьнага педагога-псіхолага з просьбай паказаць вам некалькі эфектыўных прыёмаў, якія дазваляюць хутка зняць напружанне.
- Самае каштоўнае — час. Заплануйце сабе два кругі: спачатку зрабіце заданні якія даюцца легка (або адносна легка), у час другога круга дайце сабе магчымасць падумаць над больш складанымі заданнямі. Сваім падапечным я настойліва рэкамендую, рашаючы тэсты дома, уключаць таймер i старацца ўкласціся ў вызначаны час.
- Прапускайце складаныя заданні ў час першага круга. Рухайцеся далей. Шчыра раю: зрабіце спачатку любімыя фрагменты тэста. Замест таго, каб задыхацца ад жаху над складаным заданнем, адчуваючы, як няўмольна праходзіць час, дайце сабе шанс супакоіцца, выканаўшы тыя пункты, якія зразумелыя
- Не стаўцеся занадта легкадумна да простых, на ваш погляд, заданняў. Абавязкова дачытайце да канца i уважліва вывучыце усе (!) варыянты адказау. Не толькі мае вучні, але i я сама не раз пакутавала ад сваей няўважлівасці. Упэўненасць — цудоўна, самаўпэўненасць — часта згубна.
- Прывабнасць ЦТ у тым, што, як у перадачы "Хто хоча стаць міліянерам?", вам ласкава прапануюць варыянты адказау, ёсць магчымасць адкінуць відавочна няправільныя пункты. Выкарыстоўвайце метад выключэння: адсячыце лішняе i гэтым павялічце свае шансы на поспех. Папярэджваю, "званок сябру" або "дапамога залы" выключаны!
- Не пакідайце пункты без адказау, бо гэта безумоуны проигрыш. Не здавайцеся! Нават калі вы зусім не ўяўляеце, якім можа быць адказ, уключыце iнтyiцыю i выберыце той варыянт, які, на ваш погляд, "гучыць" лепш. Ёсць шанс, што вы сапраўды трапіце ў "дзясятку".
- Імкніцеся да дасягнення максімальнага выніку. Працуйце так, як калі б вы пісалі ЦТ: не пакідайце аўдыторыю раней часу, махнуўшы рукой на складаныя заданні, змагайцеся за кожны пункт.
- Нарэшце, асноўнае правіла — выконваць тэст неабходна сумленна! Мядзведжую паслугу абітурыентам аказваюць шматлікія групы ў сацсетках, якія вядуць актыўнае абмеркаванне заданняў тэстаў i магчымых адказаў. Пасядзеўшы ў такой групе ва "УКантакце", сапраўды можна падсабраць добрую колькасць правільных адказаў перад рэпетыцыйным тэсціраваннем. Як яны туды трапляюць? Вельмі проста. Напрыклад, я пісала тэст 23 лістапада, а мае вучні выконвалі той жа тэст 26 лістапада. Пры жаданні я магла праінструктаваць ix i забяспечыць правільнымі адказамі, магла выкласці адказы свайго варыянта на старонках ва "УКантакце". Нічога гэтага я не зрабіла, таму што выдатна разумею: гэта блізка да таго, што падкласці абітурыенту бомбу запаволенага дзеяння. Зараз усё ціxa i спакойна, а на ЦТ яго разарве на часткі. За ўсю сваю практыку я нi разу не чула, каб на цэнтралізаваным тэсціраванні падыспытны змог скарыстацца чым-небудзь, акрамя cвaix ведаў. Цяпер я разумею, чаму некаторыя навучэнцы на РТ паказваюць добрыя вынікі, а на ЦТ — на 20 балаў ніжэй. Не паддавайцеся спакусам. Няхай вы набераце 30 балаў, але сумленна!
Пасля РТ
- Паведаміце настаўнку рэальны (!), а не перабольшаны, вынік. Маючы за плячыма горкі вопыт не аднаго падману, сёння я патрабую, каб вучні прыходзілі з пашпартам i ў маёй прысутнасці заходзілі на сайт PIKB, пацвярджаючы бал. Настауніку важна ведаць сапраўднае становішча спраў, каб, прааналізаваўшы сітуацыю, ynecцi неабходныя карэктывы i правільна выбудаваць далейшую работу.
- Неабходна зрабіць з настаўнікам падрабязны разбор тэста, аналізуючы не толькі памылкі, але i правільныя адказы, таму што сярод aпошніх таксама бываюць выпадковыя пападанні Не замоўвайце тыя моманты, які вы недастаткова зразумелі. Патрабуйце ад выкладчыка тлумачыць правіла да таго часу, пакуль не пачняце свабодна у iм арыентавацца.
- Не перажывайце, калі бал невысокі. Гэта ўсяго толькі другая спроба. Наперадзе яшчэ трэці этап i некалкі месяцаў да фінальнай схваткі, якая адбудзецца ў чэрвені. Не збаўляйце тэмп, не страчвайце працаздольнасці, настойліва рухайцеся да мэты. А настаунік падкажа, як легка абысці перашкоды. I ўсё ў нас атрымаецца!
